A Laax vegn il center dal vitg deliberà da las lingias d'auta tensiun al liber. Sco quai che la Repower communitgescha hajan cumenzà las lavurs da construcziun per metter sut terra la lingia da 60 kV tranter Prau Petschen e Staderas.
Cun metter sut terra questa lingia da bun 6 km lunghezza svaneschan a Laax 20 pitgas d'electricitad ultra da quai 270 tonnas betun sco era 78 tonnas atschal e aluminium. Ils custs d'investiziun muntan a radund 7,6 milliuns francs. La vichnanca da Laax surpiglia 0,7 milliuns francs. Las lavurs duain esser terminadas la stad 2023.