Grazia a lavur da notg ed a chanuns da naiv è la mesapipa pronta per la concurrenza. L'Arena Alva ha preparà in percurs da slopestyle cun sigls enorms e dasperas natiralmain la pli gronda mesapipa permanenta dal mund.
Ils ultims dis han Roger Heid e ses team dal parc da snowboard a Laax stuì lavurar fitg - per part di e notg. En tut han els duvrà var 80'000 cubics naiv artifiziala per furmar la mesapipa ed ils sigls per il percurs da slopestyle.
audio
Preparativas per il Laax Open
ord RTR Audio dals 14.01.2016.
laschar ir. Durada: 2 minutas 46 Secundas.
Il «Laax Open» cumenza glindesdi, ils 18 da schaner e dura enfin sonda. RTR è live da la partida e rapporta en il radio e sin rtr.ch.