Il quint annual da la vischnanca da Laax serra cun in gudogn pli aut che previs. Tar in gudogn net da l'onn passà da 350’000 francs munta il cash flow a 4,3 milliuns francs.
Sco quai che l'agentura da novitads rumantscha citescha il president communal Toni Camathias saja quest resultat positiv surtut d'engraziar a dapli entradas da taglia. Qua era vegnì calculà cun radund 6,1 milliuns francs. La finala èn las entradas da taglia però crudadas ora per dus milliuns pli autas cun passa 8,8 milliuns francs.
