La radunanza communala ha reelegì Franz Gschwend per in'ulteriura perioda d'uffizi, en tut sia quarta. Plinavant ha la radunanza communala approvà il quint 2023. Quel serra cun in gudogn da 7,5 milliuns.
La radunanza communala da a Laax n'ha betg fatg sensaziun. Uschia han ils preschents approvà il quint che serra cun in gudogn da record da bunamain 7,5 milliuns francs. Suenter l'approvaziun dal quint ha la radunanza reelegì lur president communal Franz Gschwend che va uschia en sia quarta perioda d'uffizi en questa posiziun.
Per la suprastanza è Othmar Schärer vegnì reelegì e da nov fa Rudy J. Wieser part a la suprastanza. Il novelegì remplazza Ralf Seelig che ha stuì dar giu il post pervi da la limitaziun d'uffizi. Per la fundaziun Pro Laax han ils preschents elegì l'anteriur president communal Toni Camathias sco parsura. El suonda ad Erwin Ardüser ch'era enfin ussa president da la Pro Laax.
