Laax - L’albiert da giuventetgna persvada

audio

Impressiuns da l'inauguraziun dal WellnessHostel 3000 ed l'Aua Grava a Laax

02:50 min, Actualitad dals 23.08.2021.

laschar ir. Durada: 02:50 minutas.

L’albiert da giuventetgna cun bogn cuvert, restaurant e zona da wellness e fitness – il WellnessHostel 3000 ed Aua Grava – èn gia averts dapi il december 2020. Sonda passada è dentant stada l’avertura uffiziala.

Ils giasts envidads ed era ils indigens han dastgà dar in sguard en ils novs bajetgs. Per star sur notg stattan a disposiziun 158 letgs. Ils resuns sin il nov stabiliment èn ordvart positivs.

1 / 7

Legenda: Bogn da fieu RTR, Hubert Giger

2 / 7

Legenda: Ina stanza da l'albiert RTR, Hubert Giger

3 / 7

Legenda: Il bogn cuvert RTR, Hubert Giger

4 / 7

Legenda: Il restaurant Biblau RTR, Hubert Giger

5 / 7

Legenda: Zona da ruaus RTR, Hubert Giger

6 / 7

Legenda: L'avertura uffiziala RTR, Hubert Giger

7 / 7

Legenda: Il plaz da festa avant l'albiert RTR, Hubert Giger

Nus essan fitg cuntents che nus avain pudì realisar quest bogn; ed ensemen cun l’albiert da giuventetgna èsi ina buna simbiosa.

Ina buna simbiosa, perquai che fin uss datti mo a Laax ed a Saas Fe en il Vallais la cumbinaziun d'albiert e purschida cumplessiva cun wellness, di la scheffa dals albierts da giuventetgna en Svizra Janine Bunte. E la zona da wellness e fitness ed il bogn cuvert sajan averts per giasts ed indigens.