Siglir tar il cuntegn

Header

cuntegn

Laax – Murschetg Dus novs quadrels per il RocksResort

La societad da bajegiar RocksResort da la gruppa da l’Arena Alva vul realisar ils quadrels 13 e 14. L’anteriura halla da tennis e dapi blers onns gia Academia da freestyle duai per quest intent vegnir spazzada ed ils dus quadrels realisads en quest lieu. En ils bajetgs duai vegnir integrada l’Academia da freestyle, scriva la Fundaziun da medias rumantscha. Investir vul la societad radund 30 milliuns francs.

Emprims quadrels dapi 15 onns

La strategia da realisar abitaziuns da vacanzas en mauns da privats, ma tuttina da laschar a tschains tenor in sistem definì, para d’avair grond success, betg sulet durant la stagiun auta. Uschia sajan quellas fitg savens occupadas, scriva la FMR. Ils dus novs bajetgs duajan betg sulet porscher plaz per la nova halla da trenament per il sport da freestyle, ella duai era porscher in parcadi sutteran cun 220 plazzas da parcar. Durant il temp da construcziun vegn la halla da freestyle a chattar plaz en ina tenda da circus provisorica, nua è anc intschert.

audio
Per tadlar curt e cumpact
ord RTR Audio dals 22.02.2022.
laschar ir. Durada: 1 minuta 3 Secundas.

RTR novitads 06:00

Artitgels legids il pli savens