Siglir tar il cuntegn

Header

cuntegn

Laax Nov hotel sin l’areal Murschetg

Ils burgais da Laax han surdà en il dretg da construcziun la lubientscha per radund 400 letgs sin l'areal da Murschetg.

Dus novs bajetgs vegnan en avegnir a cumplettar l'areal Murschetg a Laax. Ils burgais da Laax han concedì en il dretg da construcziun a l'interpresa Fortimo SA, il dretg da construcziun per 99 onns. Planisads èn dus bajetgs cun 93 chombras d'hotel (211 letgs) e cun 40 abitaziuns (134 letgs).

Plinavant duai dar in'ustaria publica cun parcadis publics. Investir vul l'interpresa ina summa da tranter 40 e 45 milliuns francs.

Nova ustaria a Nagens – en ils mauns dals burgais

Vinavant han ils burgais dà a l’Arena Alva il dretg da construcziun per ina ustaria nova a Nagens-Sura. A curta vista ha la radunanza generala decis d'examinar la pussaivladad da sez construir l’ustaria e lura laschar a tschains ella a l’Arena Alva. La suprastanza da l’uniun ha uss temp fin primavaira d'examinar questa proposta e da preschentar a la proxima radunanza las pussaivladads. Lura vegn la vischnanca burgaisa da Laax a decider sch’els vulan sez esser possessurs d’ina ustaria en il territori da skis.

Era dà il dretg da bajegiar, ha la vischnanca burgaisa per ina staziun da la colliaziun tranter Nagens e Segnas per lura realisar la colliaziun cun Cassons a Flem. Las lubientschas per questas investiziuns èn gia concedidas.

audio
Per tadlar curt e cumpact
01:07 min, RTR Audio dals 07.10.2021.
laschar ir. Durada: 01:07 minutas.

RTR novitads 12:00

Artitgels legids il pli savens

Scrollar a sanestra Scrollar a dretga