Las cumpetiziuns da slopestyle il suentermezdi èn vegnidas spustadas sin il proxim di. Cura ch’ins mira giu dal Crap Sogn Gion vesan ins il motiv: tschajera sur tut la val, flocs da naiv che turnicleschan en l’aria ed il vent che sufla.
1 / 4
Legenda:
Sch'ins guarda giu dal Crap Sogn Gion, vesan ins ina paraid da tschajera.
RTR, Milena Bassin
2 / 4
Legenda:
Ins vesa la glisch da la halfpipe vi dal tschiel.
RTR, Milena Bassin
3 / 4
Legenda:
Ils sportists e las sportistas na han betg vesì avunda per trair tras las cumpetiziuns.
RTR, Milena Bassin
4 / 4
Legenda:
Las bulschas ed il material dals sportists e da las sportistas eran cuverts da naiv.
RTR, Milena Bassin
Igl è in grondius eveniment uschia che l’aura na gioga nagina rolla.
Ils aspectaturs e las aspectaturas spetgan sper la halfpipe, en speranza ch'ils sportists e las sportistas da freestyle possian mussar lur trics la saira. Las cursas vegnan adina puspè spustadas, dentant spetgan anc adina bleras persunas en il territori da skis a Laax. Intgins ed intginas en l’ustaria nua ch’igl è pli chaud, auters sper las tendas che han musica ed il rest sper la halfpipe.
1 / 3
Legenda:
Ils aspectaturs e las aspectaturas a spetgar uras ed uras tar minus 14 grads.
RTR, Milena Bassin
2 / 3
Legenda:
La glieud sa mova tar la musica per sa tegnair chaud.
RTR, Milena Bassin
3 / 3
Legenda:
Auters spetgan en il chaud.
RTR, Milena Bassin
La saira sa decidan ils organisaturs però d'annullar la cumpetiziun. Uschia sa mova la fulla da glieud cun la pendiculara envers Laax, nua che concerts e festas han lieu.
Legenda:
Sper la staziun da val datti la sera concerts e festas.
RTR, Milena Bassin
