La radunanza communala da Laax ha approvà il preventiv 2024 che quinta cun in surpli d'entradas da bunamain 5,7 milliuns francs. Suenter amortisaziuns e remessas en las reservas, quinta l'executiva cun in gudogn schuber da passa 717'000 francs. Quai tar entradas ed expensas da tranter 19 e 20 milliuns francs. Quai rapportan las gasettas da Somedia.
Il pe da taglia resta l'auter onn tar 40% da la taglia chantunala simpla. L'auter onn èn previs projects per passa 10,4 milliuns francs. Il pli grond è il reservuar nov sin l'alp Plaun che duai custar passa 5,3 milliuns francs.