Siglir tar il cuntegn

Header

audio
Plazzal a Laax: Colonnas grondas durant las lavurs
Or da Actualitad dals 23.10.2021.
abspielen. Laufzeit 2 minutas 19 Sekunden.
cuntegn

Laax Punt da la Val Mulin ha chaschunà colonnas d’autos

Las lavurs han cumenzà l’avrigl e duain esser a fin enfin ils 30 da november. Surtut perquai che la punt è tranter duas rundellas (Murschetg-Uletsch e Cons-Salums) ha quai dà colonnas d’autos – e quai per part fin al tunnel da Flem. Sin la punt pon ins charrar il mument mo sin in vial,. Durant las vacanzas da stad èn las lavurs dentant vegnidas interruttas per laschar passar ils automobilists sin dus vials.

 Reglà il traffic a maun

Per reducir las colonnas hajan els reglà il traffic a maun, sco per exempel ils venderdis saira u las fins d’emna durant las vacanzas d’atun, di Matthias Wielatt. El è schef da la partiziun da construcziuns d’art tar il chantun Grischun. Reglar il traffic a maun saja pli effizient che cun amplas da traffic. Els n'hajan nagin grond retard. Perquai ch’els hajan dentant laschà cursar il traffic sin dus vials durant las vacanzas da stad, cuzzian las lavurs anc.   

La punt da la Val Mulin datescha dal 1979. Perquai ch’ella saja anc en in bun stan, stoppian els mo renovar ella, declera Matthias Wielatt. Ils lavurers hajan surtut stuì pitgar giu e remplazzar ils urs da la punt. Els hajan era stuì remplazzar l’isolaziun da las plattas, per che l’aua che cuntegna chlorid na possia betg penetrar en il betun. E la finala hajan els era rinforzar la punt en l’intern cun stangas.

La renovaziun custa radund 900’000 francs.

RTR actualitad 07:00

Artitgels legids il pli savens

Scrollar a sanestra Scrollar a dretga