Siglir tar il cuntegn

Header

video
La cruschada Marcau a Laax
Or da RTR dals 13.09.2016.
laschar ir. Durada: 28 Secundas.
cuntegn

Surselva Laax survegn ina ulteriura rundella

Laax vul schliar il problem da traffic sin la cruschada tranter Murschetg e Laax-Vitg cun ina rundella. La radunanza communala da Laax ha concedì in credit da 1,32 milliuns per questa rundella.

audio
Saira: Laax – la vischnanca vul fabritgar ina nova rondella
ord Actualitad dals 13.09.2016.
laschar ir. Durada: 1 minuta 36 Secundas.

Il tschancun è l'avaina principala dal traffic da transit tras la Surselva. A Marcau, il territori tranter Murschetg e Laax-Vitg, cruscha questa via cun las duas vias communalas da Cons e da Salums. Omaduas mainan en quartiers d'abitar ed en zonas da mastergn. Igl è in punct neuralgic cun bler traffic. Ils ultims 6 onns hai tranter auter dà 9 accidents en quest lieu.

La suprastanza communala era gia dapi in temp vidlonder da tschertgar ina schliaziun. Tenor l'Agentura da novitads rumantscha na sa mussia il chantun dentant betg cooperativ. El na sa participescha betg da finanziar ina rundella. Er per il giavisch da la vischnanca da limitar en quest lieu il tempo maximal sin 60 km/h n'ha il chantun nagina udida.

Pli char che quintà

Las vias communalas che vegnan a Marcau en la via chantunala.
Legenda: Las vias communalas che vegnan a Marcau en la via chantunala. RTR, L. Livers

Sco quai che la suprastanza communala aveva scrit en il messadi per mauns da la radunanza communala da mesemna, ils 29 da settember 2016 era previs en il preventiv 2016 ina summa da var 480’000 francs. Pervi da las pretensiuns ch’il chantun fa en connex cun vias rundellas sin vias chantunalas ston vegnir fatgas adattaziuns vi dal sutpassadi e vid differents access a la via.

Cun tge summa ch'il chantun vegn a sustegnair la rundella n’è anc betg cler. Sco quai ch'il manader da l’uffizi da construcziun bassa, Reto Knuchel ha ditg, vegn per ordinari sustegnì in tal giavisch cun la summa ch'è uschia ni uschia planisada per il tschancun da la via chantunala che vegn fatgs da nov cun la rundella. Fin ussa n’haja la vischnanca da Laax dentant anc betg fatg la dumonda al chantun.

RR novitads 6:00

Artitgels legids il pli savens