Siglir tar il cuntegn

Surselva Laax: Sutgera bloccada 2 uras

En il territori da skis Arena Alva a Laax han circa 200 osps passentà il venderdi la pausa da mezdi sin la sutgera che maina da Curnius a Crap Son Gion.

Sutgera da quatter da sutensi.
Legenda: Sutgera da quatter che stat airi (maletg da simbol). Keystone

Tenor infurmaziuns da Christina Ragettli da l'Arena Alva è ina sutga sa bloccada circa a las 11:00 en la staziun sut da la sutgera da quatter che maina da Curnius a Crap S. Gion. Pervia da quella panna ha la sutgera stuì vegnir tschentada giu. Suenter var 50 minutas eri anc betg reussì da debloccar la sutga, uschia ch'ils responsabels han decidì d'evacuar cun sugas ils circa 200 passagiers ch'eran en quai mument sin la sutgera.

In'ura pli tard, circa 30 persunas eran gia vegnidas salvadas, ha il problem dentant pudì vegnir schlià. Curt suenter las 13:00 ha la sutgera puspè pudì vegnir messa en funcziun ed il rest dals passagiers ha bandunà normal la sutgera. Sco indemnisaziun han tut ils osps pertutgads survegnì in bon per ina carta dal di.

RR novitads 16:00