Siglir tar il cuntegn

Header

cuntegn

Surselva Lag Salischinas è realisabel

Il project per in lai artifizial da far bogn a Salischinas sut Sumvitg è da princip realisabel. L'Uniun lag Salischinas sto però anc sclerir detagls.

Venderdi saira ha il president da l’Uniun Lag Salischinas, Rino Caduff, preschentà a radunanza generala ils emprims resultats d’in studi davart la realisabladad. Tenor quest studi sto il project per ina zona da sport e recreaziun dentant vegnir adattà per correspunder al dretg vertent.

Quai pertutga er il lai artifizial: Ins duai reponderar l'idea dal lai cun aua sutterana. Pussaivel saja per exempel in lai artifizial che n’è betg en contact cun aua sutterrana e che vegn spisgentà d’in aual. In tal lai tangass damain leschas, ma fiss dentant probabel pli char da realisar.

audio
Bunura: Uniun Lag Salischinas – quant lunsch è il project?
ord Actualitad dals 28.04.2018.
laschar ir. Durada: 2 minutas 47 Secundas.

Temp da reponderaziun enfin la fin 2019

La decisiun finala, sch’il project duai vegnir persequità vinavant, vul l’uniun prender enfin la fin da l’auter onn.

RR novitads 06:00

Artitgels legids il pli savens