Per che la populaziun dastgia sa sentir segir en la halla polivalenta a Sagogn, han il president communal Hans Peter Casutt ed il pedel preparà tut tenor las reglas da protecziun: Desinfectant tar l'entrada, glista da preschientscha e natiralmain las sutgas cun avunda distanza ina da l'autra. Cun questas mesiras è il president communal stà persvadì ch'els sajan da la vart segira cun la radunanza communala.
Era la populaziun da Sagogn è para stada persvadida che la radunanza saja segira - cun 76 persunas è numnadamain sa participada dapli glieud da las discussiuns che uschiglio.
