Siglir tar il cuntegn

Header

cuntegn

Surselva Las fotografias duain far reflectar, discussiunar e muventar

Il fotograf glarunais Fridolin Walcher expona a Glion. Tranter auter expona el fotografias da clavads vegls.

audio
Bunura: Fridolin Walcher - exposiziun fotografias da clavads
ord Actualitad dals 08.07.2017.
laschar ir. Durada: 2 minutas 17 Secundas.

El fotografescha adina chaussas che muventian el, declera il fotograf Fridolin Walcher. Uschia èsi era cun ils clavads che na vegnian betg pli duvrads. El vivia entadim il chantun Glaruna e vesia di per di quests clavads e che quels giajan savens era en malura. Uschia saja el vegnì sin l’idea da mirar viaden en quests. I regia in'atmosfera tut speziala. Ins sentia anc oz la lavur che vegniva fatga e quai muventia el. Uschia fetschia el dapi passa trais onns adina puspè fotografias en l’intern da tals clavads. Uschia possia el era far reflectar l’aspectatur davart la dumonda: Tge duai capitar cun quests clavads?

La segunda exposiziun tracta ils culms. Las fotografias nair ed alv mussan structuras en la grippa ni lura era cuntradas grippusas da la Glaruna.

Fridolin Walcher ha dacurt survegnì il premi da medias da la Svizra Orientala per sia reportascha da fotografias davart la construcziun da l'ovra d'accumulaziun a pumpa da Linth/Limmern.

L'exposiziun da fotografias «Still of stalled stalls - Scheunen und Ställe» è da vesair en il «Negozi» a Glion. L’exposiziun «Vertikale Ebenen - Felslandschaften in den Glarner Alpen» en la «gallaria» medemamain a Glion. Là è era la vernissascha sonda ils 8 da fanadur a las 17.00.

RR actualitad 07:00

Artitgels legids il pli savens