Surselva - Las pistas a Laax èn fatgas; Ma co èsi cun il privel?
Grazia a la naiv artifiziala hai avunda naiv per far pistas en il territori da skis da Flem-Laax-Falera. Dals 200 km pista che Laax ha èn dentant be 80 km preparads. Sper questas pistas da naiv artifiziala n'hai betg blera naiv. Ed i po vegnir stretg cun tantas persunas sin uschè paucas pistas.
Legenda:
Tut tenor tge blessuras ch'ina persuna suffrescha, sto ella vegnir transportada cun uschè ina schliusa da salvament.
RTR, Ursin Lechmann
2 / 8
Legenda:
Sper pista n'hai betg blera naiv a Laax. Qua datiers da la staziun Murschetg.
RTR, Ursin Lechmann
3 / 8
Legenda:
Sin il Crap Sogn Gion èsi empau alv. La gronda part è dentant naiv artificiala.
RTR, Ursin Lechmann
4 / 8
Legenda:
Ils auts èn cuvritgs cun in pau naiv, ma bler n'è quai er là betg.
RTR, Ursin Lechmann
5 / 8
Legenda:
Era a Nagens èsi plitost naiv artifiziala che naiv natirala sin pista.
RTR, Ursin Lechmann
6 / 8
Legenda:
La damaun baud n'èri anc betg uschè bleras persunas che stevan en colonna.
RTR, Ursin Lechmann
7 / 8
Legenda:
Sin il Vorab hai avunda naiv per far pistas.
RTR, Ursin Lechmann
8 / 8
Legenda:
Pli a bass ch'ins vegn e pli blera naiv artificiala ch'i ha.
RTR, Ursin Lechmann
audio
Mezdi: Laax – Las cundiziuns sin pista cun la pauca naiv
06:19 min, ord Actualitad dals 29.12.2016.
laschar ir. Durada: 6 minutas 19 Secundas.
Strusch in terz da las pistas a Laax èn avertas. Quai po vegnir stretg cun blers turists. Vitiers vegn anc che la naiv artifiziala ha in pau in'autra consistenza che la naiv natirala e dasper la pista n'èsi quasi nagina naiv.
Tut tenor relaziuns po quai esser malsegir. Gl'è er schon vegnì tar accidents quest onn pervi da las relaziuns malsegiras. I è perquai da far attenziun.
audio
Mezdi: Laax – Co sa cuntegnair per pudair garantir la segirezza sin pista
05:58 min, ord Actualitad dals 29.12.2016.
laschar ir. Durada: 5 minutas 58 Secundas.
Mesiras per la segirezza en il territori da skis
Tenor Corsin Clopath, il responsabel per la segirezza sin las pistas, n'è la situaziun betg pli malsegira che durant onns cun blera naiv. Sch'ins sa tegnia vid las reglas na saja quai nagin problem. Sch'ins cupitgia dentant, lura dettia tut segund pli grevas blessuras. Surtut il chau saja periclità.
Ins emprovia gia enten bajegiar las pistas da far bain ellas. Mintgatant stoppian vegnir messas dapli saivs al ur per far la segira. Sur bots che sajan nunsurvesaivels na possian ins era normalmain betg ir memia spert surora damai ch'i pudess esser insatgi blessà da l'auter maun. Ins stoppia pudair tegnair eri entaifer il tschancun ch'ins vesia. Cun sa tegnair vid questas reglas e prender resguard in da l'auter duess la segirezza sin las pistas esser nagin problem.
