I na sa tractia betg mo da fitg bleras lavinas, mabain per part er da fitg grondas. Pliras lavinas sajan vegnidas a val a moda natirala ed autras sajan vegnidas sajettadas. Quai ha confermà Nora Zürcher-Gasser da la cumissiun tecnica da la Pro Lucmagn envers l'ANR.
Situaziun da lavinas excepziunala sin il Lucmagn
La surfatscha cun lavinas s'extenda dal Lucmagn enfin S. Gions. Las gallarias èn parzialmain u schizunt cumplettamain cuvridas cun naiv. Singulas hajan in'autezza dad otg enfin diesch meters, uschia Zürcher. E sin ils auts haja anc adina fitg blera naiv. Surtut cura ch'i vegnia chaud ubain sch'i avess da plover, pudessan anc dapli lavinas sa distatgar.
Via serrada anc in'emna
Crappa e laina en la gronda massa naiv engrevgeschan anc supplementarmain la rumida. La via dal Pass dal Lucmagn resta uschia serrada anc almain fin ils 14 d'avrigl 2018.
Situaziun da lavinas extraordinaria
RR novitads 07:00