Siglir tar il cuntegn
Inhalt

Surselva Lavinas dad 8 fin 10 meters cuvernan la via dal Lucmagn

La naiv da la fin d'emna ed ils ferms vents han chaschunà ina situaziun da lavinas extraordinaria da la vart dal nord dal pass dal Lucmagn. La via è cuverta d'ina lavina sper l'autra.

Diversas lavinas ina sper l'autra.
Legenda: Ina lavina sper l'autra. MAD

I na sa tractia betg mo da fitg bleras lavinas, mabain per part er da fitg grondas. Pliras lavinas sajan vegnidas a val a moda natirala ed autras sajan vegnidas sajettadas. Quai ha confermà Nora Zürcher-Gasser da la cumissiun tecnica da la Pro Lucmagn envers l'ANR.

Situaziun da lavinas excepziunala sin il Lucmagn

La surfatscha cun lavinas s'extenda dal Lucmagn enfin S. Gions. Las gallarias èn parzialmain u schizunt cumplettamain cuvridas cun naiv. Singulas hajan in'autezza dad otg enfin diesch meters, uschia Zürcher. E sin ils auts haja anc adina fitg blera naiv. Surtut cura ch'i vegnia chaud ubain sch'i avess da plover, pudessan anc dapli lavinas sa distatgar.

Via serrada anc in'emna

Crappa e laina en la gronda massa naiv engrevgeschan anc supplementarmain la rumida. La via dal Pass dal Lucmagn resta uschia serrada anc almain fin ils 14 d'avrigl 2018.

RR novitads 07:00