Siglir tar il cuntegn
cuntegn

Surselva Lavur curta en Tujetsch

Il chantun Grischun sustegn fatschentas tujetschinas ch'èn dependentas dal turissem cun indemnisaziuns per lavur curta, quai ha l'Uffizi per industria, mastergn e lavur KIGA, Paul Schwendener ha confermà ad RTR.

Legenda: Guardar il video Lavur curta a Tujetsch perquai ch’ils giasts mancan?. Durada 03:03 minutas.
Or da Telesguard dals 12.06.2015.

Sco quai ch’il president da Tujetsch Beat Roeschlin ha ditg, haja la vischnanca contactà il chantun Grischun e declerà la situaziun. Il chantun ha lura da sia vart contactà il chantuns Tessin, Uri e Vallais per coordinar las mesiras per las fatschentas pertutgadas dal manco da turists entras la serrada da la via tranter Göschenen ed Andermatt.

Annunziar lavur curta pon las fatschentas davent dad immediat al chantun. En cas normal sto succeder mintgamai 10 dis avant ch’introducir la lavur curta. Sco Paul Schwendener ha dentant ditg, saja il chantun en contact cun la confederaziun per pudair far ina excepziun ed uschia laschar crudar quest temp da preinfurmaziun.