La dumengia ha gì lieu a Mustér l'otgavla Cuorsa dil Rein. Pli che 230 curridras e curriders han prendì part. Umens, dunnas ed uffants èn currids en differentas categorias e distanzas. Ils ins cun la finamira da gudagnar, auters simplamain per il plaschair da currer ensemen.
Ina chaussa impurtanta per tut ils participants, n'emporta betg sch'igl èn profis u amaturs, èn ils posts da sanitad per lung da la cursa. Là na datti numnadamain betg mo agid tar blessuras, là datti era da baiver, da magliar ed in bun pled per sustegnair ils curriders.