Siglir tar il cuntegn

Header

Local da giuventetgna.
Legenda: Ils locals da giuventetgna èn centrals per la lavur da la giuventetgna Cadi. RTR
cuntegn

Lavur voluntara «Jau vi dar vinavant als giuvens che s'engaschar fa ventiraivel»

Tenor il monitur da la lavur voluntara fan giuvenils da 15 enfin 24 onns che vivan anc tar ils geniturs il pli pauc lavur voluntara. Tar la Giuventetgna Cadi è la lavur voluntara da giuvenils dentant impurtanta.

La giuventetgna Cadi è ina uniun che s'engascha per il barat tranter giuvenils per integrar els en la cuminanza. L'uniun vegn purtada da la fundaziun «Tür auf – mo vinavant» che ha gist gudagnà il Prix Benevol, il premi per lavur voluntara. Er tar la giuventetgna Cadi è lavur voluntara fitg impurtanta.

Chattar voluntaris tar ils giuvens è ina sfida

Gabriela Cabalzar-Lombriser è promotura da giuventetgna tar l'uniun. Ella è responsabla da chattar ils voluntaris. Quai è il pli savens giuvens e giuvnas ch'ella persvada cun il discurs direct. Per il barat tranter la giuventetgna organisescha l'uniun giuventetgna Cadi trais locals da giuventetgna. In a Surrein, in a Mustér ed in a Sedrun. Là surprendan ils giuvenils la lavur sco manaders dal local sin basa voluntara.

Il dar e s'engaschar fa ventiraivels nus carstgauns, quai vi jau dar vinavant a la giuvna generaziun.
Autur: Gabriela Cabalzar-Lombriserpromotura da giuventetgna

RTR actualitad 11:45

Artitgels legids il pli savens

Ir a sanester Ir a dretg