Siglir tar il cuntegn

Surselva Lavurs da salvament finidas a Flem

Grazia al grond engaschia tant psichic sco era fisic da las autoritads e forzas da salvament han las lavurs al lieu d’accident pudì vegnir terminadas, quai scriva la Procura publica federala. Era las vias da viandar èn puspè dadas libras.

Las lavurs èn per gronda part vegnidas fatgas cun helicopters.
Legenda: Las lavurs èn per gronda part vegnidas fatgas cun helicopters. Keystone

Las unfrendas da la disgrazia d’aviun JU-52 al Piz Segnas a Flem han tuttas pudì vegnir manadas a val, quai ha la Procura publica federala communitgà. Era il vrac dal aviun e rauba privata da las persunas disgraziadas èn vegnids manads ils ultims dis a Flem. Sco las autoritads communitgeschan èn uss las vias da viandar en il territori puspè vegnidas dadas liber.

Lavurs d’examinaziun vegnan fatgas parallel

La Procura publica federala vegn uss communabel cun il post federal d’investigaziun per dumondas da segirtad ad examinar il motiv dal accident. Questas investigaziuns possian durar las proximas emnas fin mais, scriva la Procura publica federala.

RR novitads 17:00