Siglir tar il cuntegn

Header

cuntegn

Surselva Lavurs en la grippa da la Val Medel

Igl è ina lavur che sa repeta mintg’onn: Schubregiar la grippa en las Ruinas. Er uss èn lavurers da via dal chantun e guids da muntogna dad Alpventura vi da quella lavur.

I saja il meglier da far quai mintgamai la primavaira, suenter che la naiv saja luada e la grippa vegnia lucca, di Mario Columberg che è responsabel per las lavurs. Ils guids da muntogna taglian ora surtut chaglias, mo fan era rudlar giuadora crappa ni grippa libra. La finamira è da tegnair libra la via e da proteger uschè ils automobilists.

audio
Bunura: Tge porta quai nettegiar la grippa en las Ruinas da Medel
ord Actualitad dals 01.06.2015.
laschar ir. Durada: 2 minutas 49 Secundas.

Il guid da muntogna Otti Flepp di che quai saja ina lavur stentusa, perquai ch’ins stoppia sa concentrar. Ils guids da muntogna lavuran cun forschs grondas e resgias a motor. El di ch’i dettia adina dapli lavur, surtut era pervia da la schelira permanenta.

Artitgels legids il pli savens