Siglir tar il cuntegn

Surselva Lean e Levin Suppiger al campiunadi svizzer da mini cars

Levin in candidat per il podest e Lean a la cursa malgrà ch’el ha trisomia 21.

Il campiunadi svizzer da mini cars u las chistas da savun sco els vegnan era numnads han gì lieu questa fin d’emna a Sursaissa. Uffants tranter 8 e 16 onns dastgan sa participar a quellas cursas.

L'atmosfera a Sursaissa en il camp dals pilots da mini cars è paschaivla, avant las cursas fan ils uffants termagl ensemen, e pir sin la pista vegn sa masirà, i regia ina sauna atmosfera da concurrenza.

Ils Suppigers

Era da la partida en la famiglia Suppiger, quai èn la mamma Gaby, bab Patrik, ils figls vegl Levin e Lean. Avant 8 onns ha Patrik Suppiger fabritgà in mini car cun dus sezs per dar la pussaivladad a ses figl Lean da giudair questa atmosfera da cursa. Ses figl pli vegl – Levin – charrava medemamain cun mini car ed uschia è l’entira famiglia involvida en quest sport.

Gaby Suppiger ha manegià ch'els hajan lavurà 7 onns cun Lean avant ch'i saja stà pussaivel ch’el giaja tut sulet da la pista giuadora. Nagin vess cartì che quai fiss pussaivel, ma ussa dapi in onn va Lean tut persul.

L’atmosfera famigliara che regia en il camp dals pilots da mini cars ha sa chapescha era gidà che Lean ha cuntanschì questa finamira.

RR actualitad 08:00