Cun la midada da la lescha da las scolas medias ha il chantun dapli pussaivladads da dar impuls per la scolaziun. Uschia èsi pussaivel da promover las linguas minoritaras grischunas cun ina cunvegna da prestaziun, di Hans-Peter Märchy da l’Uffizi per la furmaziun media-superiura.
Guardar nua dar impuls
Il mument discuteschia il chantun cun tut las scolas medias. Alura possia el guardar, nua ch’impuls sajan pussaivels, di Märchy. La finanziaziun d’ina purschida sco la maturitad bilingua rumantsch-tudestga cun in rom invers per rumantsch, pia per exempel istorgia, saja garantida, n’emporta betg quants scolars che vulan profitar da la purschida.
RTR actualitad 08:00