Siglir tar il cuntegn

Header

cuntegn

Linguist e lexicograf Alexi Decurtins è mort cun 100 onns

Il linguist e lexicograf Alexi Decurtins è mort. Quai ha confermà sia famiglia envers RTR. Decurtins ha pudì festivar il november passà ses 100avel anniversari. El è stà ina gronda persunalitad en la Rumantschia. Tranter auter ha el creà il Vocabulari sursilvan, è stà onns a la lunga chauredactur dal Dicziunari Rumantsch Grischun. Il 1991 è Decurtins vegnì undrà cun il premi da cultura dal Grischun.

Alexi Decurtins è probablamain enconuschent a tut las persunas ch’han gì da scriver in text per sursilvan. Ses dicziunaris vegnan duvrads savens u en furma tradiziunala sco cudesch, ma er en sia versiun online.

audio
L'ovra da la vita d'Alexi Decurtins
ord RTR Audio dals 08.01.2024. Maletg: RTR
laschar ir. Durada: 1 minuta 28 Secundas.

Cun quasi 90 onns ha Alexi Decurtins pudì edir ses cudesch che vala sco sia ierta professiunala. Il «Lexicon Romontsch Cumparativ» è in cudesch d’in pais da quasi trais kilos e da passa 1'400 paginas.

Or da l'archiv:

video
Ei para dis – Alexi Decurtins e sia passiun per la lingua rumantscha
Or da Cuntrasts dals 03.05.2009.
laschar ir. Durada: 23 minutas 30 Secundas.

RTR novitads 16:00

Artitgels legids il pli savens