Siglir tar il cuntegn

Header

audio
La via da la crusch da Linus Flepp
Or da Actualitad dals 12.10.2020.
laschar ir. Durada: 02:27 minutas.
cuntegn

Linus Flepp «Igl è mia via da la crusch»

En il center da sanadad Puntreis a Mustér è l’ovra dal pictur artist exponida. Quella ha el regalà a la chasa da tgira.

Sia via da la crusch è in ex-voto (tablas d’engraziament). I sa tracta da set maletgs en las colurs mellen, brin, cotschen e blau, interruttas dal nair che represchenta las travs u da l’alv che mussa in sudari ch'è in simbol per levgiar il mal.

Cun quests maletgs hai jau vulì engraziar visavi quai che jau hai patì entras la malsogna.
Autur: Linus Flepp

La finala saja el sa revegnì entras las operaziuns ed ils medicaments. Uss saja el puspè saun, di Linus Flepp. Era sch’igl è sia via da la crusch, vul el animar ils aspectaturs da far patratgs, perquai ch’ina tala via «è il destin da blers», sco el scriva en sia broschura. Baud u tard cupitgan ins en ina u l’autra da las travs che furmian la crusch.

In'egliada pli datiers sin ils maletgs.
Legenda: RTR; Hubert Giger

L’ovra è exponida en la chaplutta da Puntreis – nua ch’i dat era in maletg dad Alois Carigiet. I saja in regal bainvegnì, sco il mainafatschenta Diego Deplazes di.

Il Linus è per nus in artist impurtant. El è fitg attaschà a nossa chasa e sa gida er cun l’activitad da noss cussadents.
Autur: Diego Deplazesmainafatschenta Puntreis

RTR actualitad 11:00

Artitgels legids il pli savens

Scrollar a sanestra Scrollar a dretga