Siglir tar il cuntegn

Header

audio
Löwenberg a Schluein è spazi da cultura
Or da Actualitad dals 08.11.2021.
laschar ir. Durada: 3 minutas 51 Secundas.
cuntegn

Löwenberg Schluein Dar plaz a l'art en il chasti Löwenberg Schluein

Era l’art ha plaz

En l’auzada il pli sisum han 5 artistas ed artists lur atelier. Daniela Demarmels, Simona Hendry, Yvonne Gienal, Phil Lofthouse e Luis Coray han chattà qua pussaivladads d’esser creativs. Planisà saja segir era da far communabel projects, sco per exempel exposiziuns, ma era da nizzegiar il spazi existent per pudair mussar l’art. La chasa duai d’ina vart porscher plaz a las interpresas giuvnas, che pon era viver en il bajetg, e per persunas che vegnan a lavurar temporarmain en il bajetg e quai pussibilitescha in barat cun tuts, accentuescha il president da vischnanca da Schluein il project. Finanzià duai tut tras donaturs e fauturs e la finala duai il project purtar sasez.

L'istorgia dal chasti

Il cumenzament dal chasti Löwenberg a Schluein è en il 12avel tschientaner. Plirs possessurs han alura sur decennis engrondì il chasti. En il 19avel tschientaner vegn il bajetg alura duvrà sco scola e chasa d’orfens Suenter in incendi il 1889 vegn il bajetg existent construi e fin il 1972 èsi ina chasa d’orfens. A partir dal 1988 fin il 2019 è il bajetg in center per requirents d’asil. Dapi lura ha l’uniun «Löwenberg -Surselva Impact Lab» affittà il bajetg per in franc simbolic dal uvestgieu cun la finamira da renovar il chasti istoric e da crear spazi per interpresas giuvnas.

RTR actualitad 08:00

Artitgels legids il pli savens