Surselva - Lumnezia accepta la lescha dal provediment d’aua
Votantas e votants da la vischnanca Lumnezia han acceptà las duas votaziuns en connex cun l’aua. Cun 329 cunter 246 vuschs dian els cleramain gea a la lescha davart il provediment d’aua e cun 335 cunter 233 era gea a la lescha davart la dismessa da l’aua persa.
La finamira da la lescha davart il provediment d’aua è stà d’unifitgar prescripziuns pertutgant l’adiever, il mantegniment, la renovaziun e la finanziaziun en tut ils vischinadis. Per garantir in tractament egual da tuts ils vischins vul la vischnanca installar dumbraders. Uschè vegn resguarda il principi dal chaschunader.
