Siglir tar il cuntegn

Header

Tersnaus.
Legenda: Tersnaus, il vitg nativ da Nino Schurter. RTR, Linus Livers
cuntegn

Lumnezia Biketrail per Nino Schurter

La radunanza communala conceda in credit da 300'000 francs per construir ina senda da velos da muntogna.

La vischnanca Lumnezia onurescha ses enconuschent convischin e mountainbiker Nino Schurter cun ina senda da velos da muntogna che porta ses num «Nino Schurter Biketrail».

La ruta va davent da Tersnaus, il vitg nativ da Schurter, ad Uors e Surcasti via Surin a Vrin e davent da là sur Lumbrein, Vella, Degen, Peiden Bogn ed Uors puspè enavos a Tersnaus. La gronda part da la ruta da 35 kilometers è gia existenta, sulet davent da Tersnaus enfin Peiden Bogn sto vegnir construi ina nova senda, quai sin ina lunghezza da bun 3 kilometers.

Il nov trassé planisà ha procurà per discussiuns durant la radunanza communala. Ina proposta da midar il trassé han ils preschents renvià. L'entir percurs duai esser charrabels enfin la fin 2022.  

Lumenzia quinta il 2022 cun cifras cotschnas

Plinavant ha la radunanza approvà il preventiv che quinta cun in deficit da 900'000 francs e da laschar il pe da taglia sco fin quà sin 100% da la taglia chantunala simpla.

audio
Per tadlar curt e cumpact
aus RTR Audio vom 18.12.2021.
abspielen. Laufzeit 1 minuta 19 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga