En la vischnanca da Glion vala il scumond da far fieus artifizials dapi l'onn 2021 ed a Breil dapi il 2020. En Lumnezia è questa lescha sin il palc e vegn il favrer en votaziun. La suprastanza lumneziana aveva dentant gia publitgà il scumond per Silvester e Daniev 2021/22.
En tut las trais vischnancas hai dà surpassaments da quest scumond da far fieus artifizials. Ils responsabels èn dentant da l'avis ch’i dovria dapli temp per che la populaziun s’endisia vidlonder e ch'els desistian sin tal fieus. Chastis n'hai betg dà en las trais vischnancas, las persunas èn sulettamain vegnidas registradas ed admonidas.
Il scumond da far fieus artifizials sa basa sin la lescha da l'urden public da mintga vischnanca. Ins vul proteger la populaziun da canera e da fieu cun in tal scumond.