Siglir tar il cuntegn

Header

Navigaziun

Legenda: Tadlar il audio Mezdi: En Lumnezia n'han ins nagina tema dal luf. Durada 01:49 minutas.
01:49 min, Actualitad dals 25.04.2019.
cuntegn

Surselva Lumnezia: Nagina tema dal luf

La primavaira van ils animals puspè ora en il liber. En regiuns nua ch’ins ha pudì observar durant l’enviern pliras giadas il luf è la situaziun dentant in zic tendida.

Nizzegiar ils prads communals

Per pudair nizzegiar optimal ils prads ch’appartegnan a la vischnanca da la Lumnezia èn plirs purs s’organisads en ina uniun. L’uniun «Cuminonza da nuorsas Bual Sut» dumbra actual 12 purs e la muntanera ha ina grondezza da radund 420 nursas.

Protecziun da la muntanera cun nurser

Ils ultims trais onns hajan els gì il cletg da chattar in nurser ch’aveva sez chauns da protecziun. Quest onn na saja quai betg il cas. Ma il pastur pledà saja vegnì infurmà ch’il luf saja enturn ma el veglia abitar en ina tenda fitg datiers da la muntanera ed uschia pudair proteger las nursas dal luf, di Beat Bundi.

Vis il luf sulet l’enviern

L’enviern han ins pudì observar pliras giadas lufs en Lumnezia. Ma sco Beat Bundi, il president da l’uniun di, n’haja el dapi che las nursas sajan sin la prada betg remartgà vid las nursas la preschientscha dal luf. Ins sappia dentant ch’il luf saja insanua, ma nua, na possian ins betg dir il mument, accentuescha Bundi.

RR actualitad 12:00