Siglir tar il cuntegn

Header

video
Il spazzachamin Ursin Derungs e la mancanza da mastergnants
Or da RTR Social dals 09.12.2022.
laschar ir. Durada: 3 minutas 56 Secundas.
cuntegn

Mancanza da persunal dal fatg Ursin Derungs: «Igl era be pli in currer suenter»

Durant 27 onns ha Ursin Derungs gì ina atgna fatschenta en Lumnezia. La lavur da spazzatgamin fascheva el adina gugent. Dapi blers onns manca dentant il persunal dal fatg, adina dapli ha el stuì far sez.

Ursin spazzachamin, scriveva el sez savens a la fin, sch'el trametteva in messadi. Quai mussa in zichel ch'el s'identifitgava fitg ferm cun sia professiun e sia lavur. Ina lavur che plascheva bain, oravant tut il contact cun la clientella. Dentant, la mancanza da persunal dal fatg, quella ha schon daditg fatg squitsch a l'impressari. Atgnamein quasi adina schon. Spazzachamins datti betg uschè blers. Perquai senteva Ursin Derungs questa mancanza forsa schon pli ditg che blers auters mastergners. Oz, è questa realitad arrivada quasi dapertut. El saja persvadì ch'en 5 onns, sappia entgina lavur manuala betg vegnir fatga pli pervia da mancanza da persunas qualifitgadas.

audio
Il spazzachamin Ursin Derungs e la mancanza da mastergnants
ord Actualitad dals 12.12.2022. Maletg: RTR
laschar ir. Durada: 2 minutas 43 Secundas.

Il squitsch è adina daventà pli grond

Lavurar adina sut squitsch, adina cun currer suenter per dumagnar da far la lavur per l'atgna cuntentientscha, per quella da la clientella ed era da l'assicuranza d'edifizis, quai ha stressà Ursin Derungs talmain ch'el e stà fitg datiers d'in burnout. La dumonda, schebain chalar cun la fatschenta u betg, quella è stada preschenta durant onns. Enfin ch'el ha percurschì ch'el stoppia far ina midada.

Jau aveva pers mes umor ed jau era sco en in tunnel. Jau veseva be la lavur.
Autur: Ursin Derungs Anteriur impressari

La decisiun da chalar cun sia fatschenta ha il Lumnezian prendì avant prest in onn. Chalà ha el lura definitivamain la stad vargada. Bleras spassegiadas ha el duvrà per vegnir ad ina via. Er oz, va el anc bler a spass per sa revegnir, il squitsch è dentant davent.

video
Ursin Derungs: «Oz sai jau giudair»
Or da RTR Social dals 09.12.2022.
laschar ir. Durada: 17 Secundas.

Dapi lura ha el prendì temp per sa revegnir. Lura ha el anc fatg l'examen da manischunz da bus pitschens. En lezza direcziun less el er ir professiunalmain.

Cun mai vai puspè bain, e quai è il principal.
Autur: Ursin Derungs Vella
in um ed ina dunna sin in baun
Legenda: La redactura Esther Berther en discurs cun Ursin Derungs Quest lieu è in dals preferids da l'anteriur spazzachamin. RTR / Dominik Rupf

RTR actualitad 11:00

Artitgels legids il pli savens

Scrollar a sanestra Scrollar a dretga