Per gronda part vegnan ils 41 expositurs che pon tschentar lur stans sin il plaz ed en la Via Cadruvi da la regiun. Els porschan products regiunals ubain artisanadi. Problems da chattar expositurs na dettia quai betg, declera Pauli Cavegn ch'è en il comité d'organisaziun da la fiera. El haja schizunt stuì dar giu ad intgins e quai malgrà ch'els n'hajan fatg nagina reclama.
L'emprima fiera aveva l'Uniun da cura e traffic organisà il 2003. Silsuenter ha l'Uniun da commerzi e professiun Breil, Dardin e Danis-Tavanasa surpiglià d'organisar la fiera. Ella ha era spustà la fiera da l'ultima sonda avant Nadal sin il temp tranter Nadal e Bumaun, cura ch'era ils giasts da vacanzas èn en vischnanca.
Il «Marcau Silvester» ha lieu oz, gievgia, a Breil da las 14:00 fin la saira a las 20:00.
RR actualitad 11:00