Turnar a Breil en in’autra funcziun, fiss per Marcel Köhle dentant pir pussaivel en dus fin quatter onns. Uschè ditg dura numnadamain il proceder, fin ch’el pudess surpigliar in’autra missiun en l’uvestgieu da Cuira.
Plaivs ston coordinar
La plaiv da Breil vegnia uss a scriver ora tant pli spert la plazza vacanta per in plevon. Quai ha ditg ad RTR Sep Cathomas, il president da la plaiv. E sche Marcel Köhle avessi lura da turnar pli tard en ina funcziun sco diacon u sco gidanter pastoral, fiss quai da coordinar cun tut las plaivs da la Surselva e cun stgaffir ina plazza regiunala. Mo uschia pudess ins garantir ina plazza cumplaina ad el.
Tenor Sep Cathomas pudess la demissiun da Marcel Köhle procurar, che las plaivs sursilvanas ston lavurar en l’avegnir pli stretg ina cun l’autra.
RR novitads 12:00
