Siglir tar il cuntegn

Header

cuntegn

Surselva Marcus Weber: l’um che dat nov schlantsch a Mustér

Dapi il fanadur 2014 è Marcus Weber l’acziunari principal da las Pendicularas Mustér. Dapi lura è gia vegnì investì en il hotel Catrina Resort ed en ils stabiliments a Caischavedra varga 4 milliuns francs. Ulteriurs 50 milliuns duain vegnir investids en in ressort da vacanzas cun var 700 letgs.

Emprendi d’enconuscher Mustér ha Marcus Weber sco giuvenot che ha dà dus envierns scola da skis per Giuventetgna e sport en il territori da skis da Mustér ch’era gist vegnì avert. Malgrà che sia mamma è da Zuoz ed el ha parentella en l’Engiadina, è el pli tard sa decidì da cumprar ina abitaziun da vacanzas a Mustér.

Dar scola da skis per Giuventetgna e sport era la pli bunmartgada varianta da far vacanzas da skis.
Autur: Marcus Weber acziunari principal da las Pendicularas Mustér
audio
Bunura: Tgi è M. Weber ch'ha la maioritad da Pendicularas Mustér
ord Actualitad dals 05.01.2016.
laschar ir. Durada: 3 minutas 52 Secundas.

Sanà bleras interpresas

Creschì si è Marcus Weber ils emprims onns en la Svizra romanda e lura i a scola a Basilea. Suenter ha el fatg l’emprendissadi tar ina fatschenta fiduziaria e lavurà suenter la recruta en il Tessin ed era fatg là il diplom federal da contabilists. Oz è Marcus Weber en var 40 cussegls d’administraziun. Quai saja uschia perquai che bleras interpresas Svizras hajan gì ils onns 90 difficultads ed hajan stuì vegnir sanadas, declera il cussegliader d’interpresas e finanzas a Radiotelevisiun Svizra Rumantscha. «Bleras interpresas hai jau cusseglià e cunzunt era timunà ad interim». Las interpresas hajan era savens duvrà chapital per vegnir da surviver e lura sajan ins sa participads, declera Marcus Weber vinavant. Ils cumpraders da las interpresas èn la finala stads cuntents cun la lavur che Marcus Weber aveva fatg e perquai hajan quels vulì ch’el restia en il cussegl d’administraziun. «Londeror èn la finala sa dadas malizias» raquinta Marcus Weber.

Interpresas ston purtar sa sezzas

Sco um da fatschenta ha Marcus Weber vis ch’i steva tut eri a Mustér. Suenter che l’anteriur directur da Las Pendicularas Mustér, Urs Hefliger, ha manegià ch’el pudessi surpigliar las pendicularas e lur marschassi puspè ina giada insatge, sajan sa dads emprims discurs per surpigliar las pendicularas.

Sch’ins viva en ina regiun, lura vul ins era che l’economia sa sviluppa.
Autur: Marcus Weber cussegliader d'interpresas e finanzas

Igl è l’emprima interpresa da quest gener en la quala che Marcus Weber ha investì daners. I n’è tuttavia betg in engaschi idealistic. La finamira è che tant las pendicularas sco era il resort planisà portian sa sez e genereschian in gudogn per uschia pudair far cuntinuadamain las investiziuns necessarias.

Artitgels legids il pli savens