Siglir tar il cuntegn

Header

cuntegn

Surselva Markus Noser succeda a Marcel Friberg

Markus Noser è il nov president dal cussegl d’administraziun da las Pendicularas Breil Vuorz Andiast SA.

Markus Noser ha 50 onns ed abita a Nuolen en il chantun Sviz. Noser enconuscha Breil dapi blers onns ed ha avant dus onns cumprà ina chasa da vacanzas a Breil. El posseda in biro da direcziun da construcziun cun 15 collavuraturs. Noser remplazza Marcel Friberg ch'è sa retratg suenter avair presidià quest gremi 12 onns.

audio
Markus Noser è il nov president dal cussegl d'administraziun da las pendicularas da Breil.
ord Actualitad dals 06.10.2018.
laschar ir. Durada: 2 minutas 42 Secundas.

Medemamain sa retratg è Pierin Vincenz. El vegn remplazzà da Peter Brügger. Brügger è er il nov possessur da l'ustaria Burleun en il territori da skis da Breil.

Nova pendiculara

La pli gronda sfida per il nov president Markus Noser, vegn ad esser realisar la nova pendiculara da Breil fin l'alp Dado e quai ils proxims dus fin trais onns. era la secunda fasa per engrondir il resort da vacanzas Prada stat avant porta sco ulteriur obstachel.

Ils acziunaris han plinavant approvà il quint da las pendicularas. Tar ina svieuta da 5,5 milliuns francs serra quel cun in gudogn da 35'000 francs.

RR novitads 22.00

Artitgels legids il pli savens