Dapi 25 onns datti il martgà da l’emna a Glion. Ditg n’èsi betg stà cler sch’il start en l’onn da giubileum croda ora pervi da la pandemia da corona. Cun las novas decisiuns dal Cussegl federal sa la fiera ussa vegnir realisada.
Dapli spazi per dapli distanza
Per pudair tegnair en tut las mesiras da distanza metta la vischnanca da Glion a disposiziun al martgà da l’emna passa il dubel dal plaz usità. Sco il chanzlist communal, Michael Spescha ha ditg envers RTR vegnian il emploiads da la vischnanca a serrar giu il plaz uschia, ch’igl è pussaivel da tegnair en tut las prescripziuns da segirezza.
In'emna pli tard che planisà
L’entschatta dal martgà da l’emna vegn spustada per in’emna sin ils 16 da matg. Co la co-presidenta dal l’uniun Gabriela Spescha ha ditg a la FMR dovria la clientella dapli temps e pazienza per cumprar en ils products regiunals. Quai ord il motiv ch’il dumber da persunas che dastga esser sin il plaz è limità.
