Siglir tar il cuntegn

Header

Martin Cavegn
Legenda: Martin Cavegn. Solida Treuhand AG
cuntegn

Martin Cavegn «Jau stun per transparenza e dialog»

Martin Cavegn cumenza sia lavur sco nov president communal da Tujetsch il fanadur. Impurtant è per el da far lavur da basa.

Savair nua ir e tge cuntanscher

Lavur da basa vul dir: Tschertgar il dialog cun tut las parts en Tujetsch. Ins stoppia savair, nua ch’ins veglia ir, tge ch’ins veglia cuntanscher communablamain e cun ils vischins.
Cun ils vischins vul dir: collavurar meglier. Fusiun na saja betg in tema.
La finala decida il pievel dentant nua che Tujetsch veglia ir.

Finanzas èn fitg saunas

La vischnanca da Tujetsch haja anc adina finanzas fitg saunas. La finamira saja da dar ora ils daners nua ch’els èn investids bain e da spargnar nua che quai saja pussaivel.

Senza investir na va quai betg. Ils Tuatschins dastgan era far daivets.
Autur: Martin CavegnNov president da Tujetsch

Mantegnair il cussegl da vischnanca

In dals proxims projects communals en Tujetsch è da reveder la constituziun communala. Per Martin Cavegn èsi dentant cler ch’ins na duai betg schliar il cussegl da vischnanca ubain las cumissiun e surdar tut la pussanza a la suprastanza.

Jau vuless uschè blera glieud sco pussaivel che sa gida en la lavur politica.
Autur: Martin Cavegn

Co po il guardiaselvaschina, fiduziari e president communal metter tut la lavur sut in tetg?

I saja ina chaussa da s’organisar fitg bain. E co ch'il nov president da Tujetsch di veglia el reducir la lavur sco fiduziari.

Mia fermezza: L’emprim organisar, e cura ch’igl è organisà bain pon ins metter enturn.
Autur: Martin Cavegn

Curta biografia

Martin Cavegn è naschì il 1970.
El è maridà e bab dad ina figlia ed in figl.

Professiun:

  • Guardiaselvaschina ed ornitolog
  • Fiduziari
  • Scolast da passlung
  • Coach da persunas

RTR actualitad 12:00

Artitgels legids il pli savens

Scrollar a sanestra Scrollar a dretga