Per la regiun Surselva èsi impurtant d’avair in gimnasi en la Surselva. Perquai n’èsi era betg gronda discussiun da sustegnair la scola claustrala a Mustér cun ina summa da 840’000 francs, repartì sur trais onns, pia 280’000 francs ad onn.
Regiun vul in concept
Sco Duri Blumenthal, il mainafatschenta da la regiun Surselva di, saja dentant la regiun uss interessada da savair nua ch’il gimnasi da la scola claustrala vegnia a sa sviluppar ils proxims onns. Perquai saja planisà d'instradar ina gruppa da lavur ch’elavurescha ina strategia regiunala per promover che dapli scolaras e scolaras ord la regiun sa decidian da ir a Mustér el gimnasi di Duri Blumenthal.
Maturitad bilingua
Il mument saja da sbatter cun il dumber da scolars. En l’emprima classa sajan sulet 11 scolaras e scolars e quai saja memia pauc, perquai dovria quai il mument surtut qua in sforz. Alura possian ins discussiunar sur da pussaivlas variantas, ma da principi beneventia la regiun Surselva sch’il gimnasi da la claustra a Mustér purschess era ina maturitad bilingua rumantsch-tudestga, di Duri Blumenthal.
RTR actualitad 07:00