Siglir tar il cuntegn

Header

Navigaziun

cuntegn

Surselva Mazlaria da Vrin festivescha ses 20avel anniversari

Ils critichers eran da l'opiniun che la mazlaria na survivia betg pli ditg ch'in mez onn. Oz, 20 onns pli tard, datti anc adina la mazlaria entadim la Val Lumnezia.

Il matg 1999 è la mazlaria a Vrin vegnida inaugurada. Otg onns planisaziun hai duvrà fin che tut era uschè lunsch. Blers problems han stuì vegnir schliads avant che la visiun dals iniziants è ida en vigur.

400'000 francs era l’emprima calculaziun dal project. Custà ha la mazlaria la finala il dubel, numnadamain varga 800'000 francs. Finanzià il project han per gronda part persunas privatas.

Miez onn han ei dau alla mazlaria da Vrin. Miez onn e lu eis ei finiu! La finala sundel jeu staus 15 onns ed hai giu gnanc in di lungurus.
Autur: Linus Tomaschettemprim mazler da Vrin.

Suenter la construcziun da la mazlaria han Linus e Florentina Tomaschett surpiglià la gestiun dal manaschi ch'els han alura manà ils emprims 15 onns. Dapi il 2015 mainan Hermann Huldi e sia partenaria Melanie Nothacker la mazlaria a Vrin.

En media vegnan 400 animals ad onn elavurads. Quai correspunda a 30 tonnas charn. Duas terzas dals animals vegnan fatgas per mauns dals purs, cun il rest fa el products ch’el venda privat en sia stizun a Vrin. Blers critichers na cartevan betg ch'ina mazlaria pitschna possia surviver il pli entadim la Val Lumnezia – ma suenter 20 onns pon ins dir che quai era tuttina pussaivel.

Ord l'archiv:

Legenda: Guardar il video Telesguard. Durada 02:24 minutas.
Or da RTR dals 20.01.1999.

RR actualitad 08:00