Siglir tar il cuntegn

Header

audio
Medel: l'alp Son Gagl vegn renovada
Or da Actualitad dals 07.04.2020.
laschar ir. Durada: 02:31 minutas.
cuntegn

Medel Abitar en in ospizi enstagl en in container

L’alp Son Gagl en Val Medel vegn sanada. La finamira è da remplazzar il container blau cun il nov ospizi.

Sanar endadens ed ordadora

Il bajetg dal vegl ospizi vegn renovà endadens ed ordadora. Sco il manader dals projects da bajegiar da la claustra da Mustér Andreas Isler di vegni construì in nov tetg, novas fanestras, ina nova cuschina e stanzas da durmir ed era la fatschada vegn renovada. Dapi 15 onns ha la fameglia d’alp stuì viver en in container blau.
En connex cun la protecziun da las auas (l’alp s. Gagl giascha al pe dal Rain da Medel) ston ins far tschertas lavurs: Construir ina puschinera ed ina mulschera nova ed in plaz avant stalla per las vatgas.

Cun sanar l’alp veglia la claustra da Mustér impedir che l’ospizi giaja en decadenza ed era promover l’agricultura, di Andreas Isler. A la claustra na tutga betg be il bain puril a Salaplauna, mabain era las alps Bovas e Son Gagl.

Exchavaziuns archeologicas

Durant las lavurs vegni era fatg exchavaziuns archeologicas. Forsa chattan ins fossas. La chaplutta e l’ospizi dateschan dal 11 u 12avel tschientaner.

Sche pussaivel vul ins cumenzar proximamain cun las lavurs. La finamira fiss che la fameglia d’alp pudess nizzegiar l’ospizi la primavaira 2021. Mo la finanziaziun dal project da sanar l’alp Son Gagl n'è betg anc reglada.

RTR actualitad 12:00

Artitgels legids il pli savens

Ir a sanester Ir a dretg