Siglir tar il cuntegn

Header

Il plaz per ils 2 containers
Legenda: Il plaz per ils 2 containers RTR, H. Giger
cuntegn

Surselva Medel: Chascharia en 2 containers

La chascharia Muraun mida lieu: Ella va dal vitg da Curaglia en la zona d’industria a Fadretsch. Il plaz è avant la punt che maina sur il Rain mez.

Quests dis vul l’uniun «la chaura» inoltrar la dumonda da bajegiar. Il terrain a Fadretsch ha ella prendì a tschains da la vischnanca da Medel. Là vegni construì dus containers, sco il president da l’uniun Peter Binz ha ditg ad RTR. En in local vegn chaschà, en l’auter madiran las magnuccas.

La vesta vers sid
Legenda: La vesta vers sid RTR, H. Giger

In provisori

Il project custa ca. 150’000 francs. I sa tracta dad in provisori, fin l’uniun la chaura haja chattà ina schliaziun definitiva. Duas signunas chaschan a partir dal schaner:
Madlaina Caviezel e la nova è Silvia Sättele che vegn cun 30 chauras a star a Curaglia.

Surtut chaschiel chaura

La finamira saja d’elavurar ca. 100’000 liters latg ad onn. Mo a l’entschatta saja quai pli pauc, di Peter Binz. Las signunas fan surtut chaschiel chaura, ina part è dentant era chaschiel nursa. Purs da l’entira Surselva pon furnir il latg.
Cun quest project vul l’uniun la chaura era motivar ils purs da tegnair dapli chauras en la vischnanca da Medel.

RR actualitad 08:00

Dapli da Surselvaavrir la Landingpage

Nach links scrollen Nach rechts scrollen