Siglir tar il cuntegn

Header

cuntegn

Medel In project cun fotografias dals indigens

Il fotograf da Berna, Martin Bichsel, vul purtretar ils abitants da la Val Medel. El va da chasa tar chasa per fotografar, co els vivan e tge ch’els fan. Parallel datti in questiunari cun diversas dumondas. Il project sa numna: Amis alpins.

La relaziun cun la Val Medel

Martin Bichsel ha ina relaziun cun la Val Medel. Sia tatta e ses tat èn naschì e creschì si a Curaglia. Ses tat haja cumprà duas chasas si Soliva, e là gieva el sco buob a far vacanzas ed a gidar a far fain. Ils onns passads saja el vegnì mintgamai l’enviern a Soliva. Alura guardava el sin ils tetgs da Curaglia e ponderava, tgi viva là. Sinaquai saja naschida l’idea dad intervegnir dapli dals indigens.

audio
Amis alpins – purtrets da Medelins
ord Total local dals 26.06.2019.
laschar ir. Durada: 2 minutas.

In cudesch cun passa 300 fotografias

Il resultat da quest project, che duai esser a fin en ca. in onn, è ina exposiziun ed in cudesch cun passa 300 fotografias. Il questiunari fa Sabrina Bundi e la grafica dal cudesch fa Curdin Albin.

RR Total local 11:45

Artitgels legids il pli savens