Siglir tar il cuntegn

Header

Duas persunas en ina gallaria da via.
Legenda: Roger Stäubli (sanester) ed il manader da project Dario Walser en il tunnel Las Ruinas. RTR, Hubert Giger
cuntegn

Medel Investiziuns da 31,5 milliuns francs en «Las Ruinas»

L’uffizi da construcziun bassa ha gia sanà pliras gallarias tranter Curaglia e Mustér. Uss vegn il tunnel grond da circa 400 meters engrondì e schlargià.

18 milliuns francs per in nov tunnel

Il tunnel Las Ruinas cun las gallarias Zagrenda I e II vegn sanà en duas parts, sco Roger Stäubli, il manader da la partiziun da construcziun da vias declera. En l’emprima part che pertutga 140 meters, vegn il tunnel schlargià sin 6 meters ed auzà sin 4,20 meters e cumplettà cun in passape.

Purtret dal traject vegl ed il traject nov dal tunnel.
Legenda: «Las Ruinas» duain vegnir sanadas. RTR

Il coc è la segunda part, nua ch’i dat in nov tunnel da ca. 300 meters che custa 18 milliuns francs. Quel guntgescha il tunnel vegl sin ina distanza parallela da circa 30 meters. Cura che las lavurs èn finidas vegn quel serrà e quai ch'è necessari vegn dismess. Vitiers vegn era la gallaria Val da Rein sanada.

L'entrada d'in tunnel.
Legenda: A l'entschatta dal tunnel Las Ruinas. RTR, Hubert Giger

Problems da cruschar

Tenor Roger Stäubli ston ins sanar il tunnel Las Ruinas, perquai ch’el na correspundia betg pli a las normas actualas. Il tunnel è vegni construì a l’entschatta dals onns 1960.

Surtut sche dus vehichels pli gronds ston cruschar, datti problems.
Autur: Roger StäubliManader partiziun construcziun da vias

Previs èsi da cumenzar il 2021 cun las lavurs. A fin pudess il project esser en 4 fin 5 onns. La regenza grischuna ha deliberà il project il settember 2018.

RTR actualitad 12:00

Artitgels legids il pli savens

Scrollar a sanestra Scrollar a dretga