Medel n'ha anc betg avunda candidats

La vischnanca da Medel ha prolungà il termin per annunziar candidats per ils posts communals.

Vitg da Curaglia. Bild in Lightbox öffnen.

Legenda da maletgs: Vitg da Curaglia. ANR, H. Huonder

Ils 20 d’avrigl è il termin d’annunzia per inoltrar candidats per ils posts communals vacants. Sco quai che la vischnanca communitgescha n’han ins betg chattà avunda candidats. Uschia è il termin d’annunzia vegnì prolungà fin ils 15 da matg.

Chattà be in candidat

Per ils dus posts vacants en suprastanza han ins chattà fin ussa mo ina candidata, numnadamein Esther Koch da Platta. Damian bundi da Curaglia candidescha per la cumissiun bajegiar e Giusep Venzin da Mutschnengia sco suppleant da la cumissiun da gestiun. En tut mancan ussa anc in commember per la suprastanza, in commember per la cumissiun da gestiun ed in commember per il cussegl da scola. Sper quels posts vegn era anc tschertgà in suppleant per la cumissiun da bajegiar.

Las elecziuns communalas èn ils 14 da zercladur 2015.