Siglir tar il cuntegn

Surselva Medel: Preventiv preveda in gudogn

Il preventiv 2017 da la vischnanca da Medel quinta cun in surpli d’entradas da 35’300 francs. Quai tar entradas da 3’811’500 francs ed expensas da 3’776’200 francs.

La chasa communala a Curaglia
Legenda: La chasa communala a Curaglia RTR, H. Giger

Il quint d’investiziuns noda investiziuns nettas da 375’400 francs. En quel èn resguardadas ina contribuziun da 100’000 francs per la restauraziun da la baselgia da s. Martin da la claustra da Mustér.

Il preventiv da l'Ovra electrica Medel preveda entradas da 1’439’408 francs ed expensas da 1’390’863 francs. Uschè resulta in surpli per il fond da renovaziun da 48’544 francs.