Surselva - Medel quinta cun in gudogn da 28‘000 francs
La radunanza communala da la vischnanca da Medel ha approvà il preventiv 2016. Quel preveda entradas da 3‘841‘100 ed expensas da 3‘813‘000 – quai che dat in gudogn da 28‘100 francs. En quai è cumprendì amortisaziuns da 450‘000 francs.
En il quint d’investiziuns resultan investiziuns nettas per la vischnanca da Medel da 169‘400 francs. Il preventiv da l’Ovra electrica Medel preveda in gudogn da passa 155'000 francs. Il project per la nova colliaziun via Tujetsch custa 1,35 milliuns francs.
Plinavant ha la radunanza communala decidì da laschar il pe da taglia a 70 % da taglia chantunala simpla e la taglia sin sulom ad 1,5 promil.
