Il president Rico Tuor, la cussegliera communala Tabea Baumgartner ed il suppleant Martin Bearth na candideschan betg pli, per motivs professiunals e privats. Mo il vicepresident Gabriel Venzin stat enavant a disposiziun per la perioda d’uffizi 2021 – 2024. Quai scrivan els en ina communicaziun a la populaziun.
Trais persunas en suprastanza
Ils 10 da zercladur 2018 ha Medel elegì ina nova suprastanza cun trais commembers. Curt avant era la constituziun communala vegnida midada cun reducir ils commembers da 5 a 3. President è Rico Tuor daventa (el maina il hotel Medelina ensemen cun sia partenaria), Tabea Baumgartner e Gabriel Venzin èn vegnids elegids en suprastanza e Martin Bearth sco suppleant.
Uss sto ina cumissiun tschertgar novas candidatas u candidats. Ils novs suprastants entran en uffizi il prim da fanadur 2021.
