Siglir tar il cuntegn

Header

audio
La muntada dal di da Medel
Or da Total local dals 05.10.2021.
laschar ir. Durada: 02:56 minutas.
cuntegn

Medel Terz di medelin cun surpraisas

2006 ha la vischnanca da Medel organisà l’emprima fiera medelina. 2019 è quella sa midada en il Di medelin. L’intent è stà d’infurmar la populaziun e possessuras e possessurs da secundas abitaziuns sur da fatgs en vischnanca.

2006 ha la vischnanca da Medel organisà l’emprima fiera medelina. 2019 è quella sa midada en il Di medelin. L’intent è stà d’infurmar la populaziun e possessuras e possessurs da secundas abitaziuns sur da fatgs en vischnanca.

Il terz di medelin è ina buna cumbinaziun da sa divertir e s’infurmar.
Autur: Claudio Simonet President communal da Medel

 Resultats interessants

Al terz di medelin a Curaglia vegn inaugurà la chasa da scola e las abitaziuns novas (cun la benedicziun da l’avat Vigeli) ed in nov vehichel dals Pumpiers Sursassiala. E Daniela Kienzler – che lavura per la vischnanca – preschenta ils resultats da sia lavur da bachelor: Participaziun da possessuras da secundas abitaziuns ed abitants da la Val Medel. Sco il president communal Claudio Simonet di sajan quests resultats interessants, perquai ch’els mussian che possessuras e possessurs da secundas abitaziuns fissan pronts da s’engaschar en vischnanca.

 Chalender medelin

E la finala preschenta Claudio Simonet ses Chalender medelin. L’idea da crear in chalender da maisa saja vegnida suenter la pensiun, schegea ch'ils plans eran gia qua pli baud. La planisaziun haja alura cuzzà quasi in onn.

Jau aveva planisà da far mintga di ina fotografia da la Val Medel cun in text accumpagnant.
Autur: Claudio Simonet president communal

Fotografar stettia datiers dad el, perquai ch’ins possia cumparegliar quai cun la musica. Tar omadus dovria tuns ed ina cumposiziun. Ins stoppia savair las reglas da la fotografia, tge appartegna nua, tge è impurtant e tge betg, tge è davant e tge davos.

RTR actualitad 11:00

Artitgels legids il pli savens

Scrollar a sanestra Scrollar a dretga