La radunanza communala da Trin ha approvà cun gronda maioritad gievgia saira la meglieraziun generala. Il suveran da Trin ha ditg Gea al credit necessari da 17,5 milliuns francs.
Sur da la meglieraziun generala ha la vischnanca decidì ils 9 da settember 2015, silsuenter ha ina cumissiun ed in biro d'inschigners ed inschigneras ha elavurà il project d'exposiziun. Quai scriva la vischnanca en il messadi per la radunanza communala.
Per la meglieraziun vegnan 23,5 kilometers da via sanads, per part betunads u spustads (en la part Manalla/Sax pervia da privel d'ina sbuvada). Parcellas agriculas vegnan arrundadas, per part hajan ils manaschis agriculs fitg pitschnas e bleras parcellas. Plinavant cumpiglia il project ina renatiralisaziun d'auals, ed in concept da protecziun d'orchideas. E per il curtin da pumera duai dar novas schliaziuns.
45% da la finanziaziun surpiglia la Confederaziun e 39% il chantun. Custs per l'administraziun, la sauaziun (post betg includì en il project d'exposiziun) e per vias che n'èn betg per il diever agricul sto la vischnanca e terzas partidas surpigliar.